Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
<<Joseph. BJ 2.428 | Joseph. BJ 2.433 (English) | >>Joseph. BJ 2.439 |
2.431ἔπειτα μετέβαινον εἰς τὴν αὐλήν , εἰς ἣν οἱ βασιλικοὶ κατέφυγον , καὶ διανείμαντες σφᾶς αὐτοὺς εἰς τέσσαρα μέρη τῶν τειχῶν ἐπειρῶντο . τῶν δʼ ἔνδον πρὸς ἐκδρομὴν μὲν οὐδεὶς ἐθάρρει διὰ τὸ πλῆθος τῶν ἐφεστώτων , διιστάμενοι δὲ ἐπὶ τὰ θωράκια καὶ τοὺς πύργους ἔβαλλον τοὺς προσιόντας , καὶ συχνοὶ τῶν λῃστῶν ὑπὸ τοῖς τείχεσιν ἔπιπτον .
2.432οὔτε δὲ νυκτὸς οὔτε ἡμέρας διέλειπεν ἡ συμβολὴ τῶν μὲν στασιαστῶν ἀπαγορεύσειν τοὺς ἔνδον οἰομένων ἐνδείᾳ τροφῆς , τῶν δʼ ἔνδοθεν καμάτῳ τοὺς πολιορκοῦντας .
2.433
ἔνθα τὴν Ἡρώδου τοῦ βασιλέως ὁπλοθήκην ἀναρρήξας καὶ πρὸς τοῖς δημόταις ἑτέρους λῃστὰς καθοπλίσας τούτοις τε χρώμενος δορυφόροις , οἷα δὴ βασιλεὺς ἐπάνεισιν εἰς Ἱεροσόλυμα καὶ γενόμενος ἡγεμὼν τῆς στάσεως διέτασσεν τὴν πολιορκίαν .
2.435ἀπορία δʼ ἦν ὀργάνων , καὶ φανερῶς ὑπορύττειν τὸ τεῖχος οὐχ οἷόν τε ἦν ἄνωθεν βαλλομένους · ὑπόνομον δὴ πόρρωθεν ἐφʼ ἕνα τῶν πύργων ὑπορύξαντες ἀνεκρήμνισαν
-- -- ὑποκαέντων δὲ τῶν στηριγμάτων ὁ μὲν πύργος ἐξαίφνης κατασείεται , τεῖχος δʼ ἕτερον ἔνδοθεν ἀνῳκοδομημένον διεφάνη · τὴν γὰρ ἐπιβουλὴν αὐτῶν προαισθόμενοι , τάχα καὶ τοῦ πύργου κινηθέντος ὡς ὑπωρύττετο , δεύτερον ἑαυτοῖς ἔρυμα κατεσκεύασαν .
Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
<<Joseph. BJ 2.428 | Joseph. BJ 2.433 (English) | >>Joseph. BJ 2.439 |